بعض البشر لاحشمته طمع فيك
بعض البشر لامن حشمته طمع فيك
وبعض البشر لامن جفيته يودك ..
وبعض البشر يتعب على شان يرضيك
وأغلى من أخوانه بقلبه يعـــــدّك ..
ويا صاحبي هالحين بانت خوافيك
علقـتني مابين مزحـك وجدك ..
وش جاك مني يا عشيري وأنا أخيك
قبل أمس أنا صاحبك واليوم نـــدك ..
لا ضاق صدري من عنا وقتنا اجيك
وأشوف دمعات الغلا فوق خـــدك ..
والحين تظلمني وأنا منك وفيـك
بكل إحـــترام أقول يا خوي حـدك ..
ثمن كلامك ياعسى الله يهديك
لاصار ماي الوجه يعجز يــردك ..
ثوب الردى يا صاحبي ما يقديك
الثوب لا ثوبك ولا القــد قــدك ..
أنا أول انسان اذا ضقت يجيك
حتى ولا أذكر يوم وقفت ضـدك ..
ما تذكر إني بالوفا كنت اجازيك
وانت تجازيني بظلمك وصــدك ..
لكن خـلاص اليـوم والله مابيك
النفس طابت ســو ماهو بودك ..
الطعنه اللي من ورى الظهر تنهيك
وشلون لا جاتـك من اللي يــودك ..
لا واهنيّ يوم انا اموت بيديك
ذابح وتبكـي من ذبحته بيـدك ,,
راقت لي ...........
